logo

  BREAKING NEWS

బిగ్ బాస్ – 5 కంటెస్టెంట్స్ ఫైన‌ల్ లిస్టు ఇదే  |   ఈ సినిమాతోనే.. వేణు రీఎంట్రీ  |   రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |  

మూడు రాజధానుల అంశంపై టీడీపీకి కేంద్రం భారీ షాక్..!

ఏపీ మూడు రాజధానుల అంశంపై కీలక పరిణామం చోటుచేసుకుంది. రాజధాని అంశంలో కేంద్ర ప్రభుత్వం జోక్యం చేసుకోవాలని టీడీపీ డిమాండ్ చేస్తున్న విషయం తెలిసిందే. ఈ నేపథ్యంలో కేంద్రం ఆ పార్టీకి భారీ షాకిచ్చింది. రాజధాని అంశంలో తుది నిర్ణయం రాష్ట్ర పరిధిలోనిదా? లేక కేంద్ర పరిధిలోనిదా? అనే విషయంలో కేంద్ర ప్రభుత్వం స్పష్టతనిచ్చింది. ఈ మేరకు ఏపీ హైకోర్టులో కేంద్ర హోమ్ శాఖ ఈరోజు కౌంటర్ అఫిడవిట్ దాఖలు చేసింది.

రాజధాని తుది నిర్ణయం రాష్ట్ర పరిధిలోకే వస్తుందని కేంద్ర హోంశాఖ హైకోర్టులో దాఖలు చేసిన అఫిడవిట్‌లో పేర్కంది. రాజధాని నిర్ణయంలో కేంద్రానికి ఎలాంటి పాత్ర లేదని తేల్చి చెప్పింది. చట్టసభల్లో సభ్యుల మధ్య జరిగిన చర్చ కోర్టుల్లో న్యాయ సమీక్ష పరిధిలోకి రాదని కేంద్ర హోంశాఖ అఫిడవిట్ లో పేర్కొంది. గతంలో ఏపీకి అమరావతిని రాజధానిగా ఎంపిక చేసుకునే సమయంలో కూడా ఆ నిర్ణయం కేవలం రాష్ట్రానిదేనని అందులో కూడా కేంద్రం జోక్యం చేసుకోలేదని తెలిపింది.

రాజధాని అంశం కేంద్ర పరిధిలో ఉంటుందని ఇటీవల కొందరు హై కోర్టులో పిటిషన్లు వేశారు. దీనిపై కేంద్రం తన వైఖరిని తెలియజేయాలని కోర్టు ఆదేశించింది. తాజాగా కేంద్రం తన నిర్ణయాన్ని వెల్లడిస్తూ కోర్టులో కౌంటర్ పిటిషన్ ను దాఖలు చేసింది. దీంతో ఏపీ ప్రభుత్వానికి ఇది భారీ ఊరటనిచ్చే విషయంగా అభిప్రాయపడుతున్నారు.

Related News