logo

  BREAKING NEWS

తుమ్ములు ఎక్కువ‌గా వ‌స్తున్నాయా ? ఈ చిట్కా పాటిస్తే త‌గ్గిపోతాయి  |   జ‌గ‌న్‌ను ఓడించే కుట్ర‌..? కొడాలి నాని పాత్ర‌..?  |   బ్రేకింగ్‌: జ‌గ‌న్ ఇంటి ముట్ట‌డి.. హైద‌రాబాద్‌, తిరుప‌తిలో ఉద్రిక్త‌త‌‌  |   బ్రేకింగ్: డ్ర‌గ్స్ వ్య‌వ‌హారంలో మ‌హేష్ బాబు స‌తీమ‌ణి న‌మ్ర‌త పేరు  |   అమెరికా నుంచి ఎలా వ‌చ్చింది..? ‘కాంగ్రెస్ గ‌డ్డి’ అని ఎందుకు పిలుస్తారు ?  |   తెలుగుదేశం పార్టీకి కొత్త అధ్య‌క్షుడి పేరు ఖ‌రారు  |   ఇక నుంచి ‘యాదాద్రి’ రైల్వే స్టేష‌న్‌  |   హ‌రీష్ రావు వ‌ర్సెస్ ర‌ఘునంద‌న్‌రావు  |   ఈ చిన్న ప‌ని చేస్తే 15 నిమిషాల్లో త‌ల‌నొప్పి మాయం  |   రూ.15,000 లోపు బెస్ట్ స్మార్ట్ టీవీలు ఇవే  |  

క‌రోనా నుంచి కోలుకున్న వారు ఈ జాగ్ర‌త్త‌లు తీసుకోవాలి: కేంద్రం

క‌రోనావైరస్‌కు ప్రాణాలు తీసే శ‌క్తి లేద‌ని ప్ర‌భుత్వం, వైద్య నిపుణులు చెబుతున్నారు. మ‌న దేశంలో రిక‌వ‌రీ రేటు, మ‌ర‌ణాల రేటు చూసినా ఇదే విష‌యం అర్థ‌మ‌వుతుంది. క‌రోనా బారిన ప‌డి మ‌ర‌ణించిన వారి సంఖ్య 2 శాతానికి మించి ఉండ‌దు. ఇలా మ‌ర‌ణించే వారు కూడా కొన్ని దీర్ఘ‌కాలిక వ్యాధుల‌తో ఇబ్బంది ప‌డేవారే ఎక్కువ‌గా ఉంటున్నారు. 80 వాతం మంది హోం ఐసొలేష‌న్‌లోనే రెండు వారాల్లో కోలుకుంటున్నారు. మ‌రికొంద‌రు ఆసుప‌త్రుల్లో చికిత్స పొంది కోలుకుంటున్నారు.

అయితే, క‌రోనా నుంచి కోలుకున్న త‌ర్వాత కూడా కొన్ని ఆరోగ్య స‌మ‌స్య‌లు వ‌స్తాయ‌ని, వీటి ప‌ట్ల జాగ్ర‌త్త‌లు తీసుకోవాల‌ని కేంద్ర ప్ర‌భుత్వం తాజాగా స్ప‌ష్టం చేసింది. క‌రోనా నుంచి కోలుకున్న వారు చేయాల్సిన ప‌నుల గురించి కేంద్ర మార్గ‌ద‌ర్శ‌కాలు విడుద‌ల చేసింది. క‌రోనా బారిన ప‌డి కోలుకున్న వారిలో కొన్ని రోజుల పాటు ఆరోగ్య స‌మ‌స్య‌లు త‌లెత్తుతాయ‌ని కేంద్ర ఆరోగ్య శాఖ వెల్ల‌డించింది.

ముఖ్యంగా ద‌గ్గు, జ‌లుబు, ఒళ్లునొప్పులు, ఆయాసం, ఊపిరి తీసుకోవ‌డంలో ఇబ్బందులు ఎదుర్కావ‌డం వంటి ఆరోగ్య స‌మ‌స్యలు వ‌స్తాయ‌ని తెలియ‌జేసింది. దీర్ఘ‌కాలిక వ్యాధుల‌తో బాధ ప‌డుతున్న వారికి ఈ స‌మ‌స్య‌లు ఎక్కువ రోజుల పాటు కూడా ఉండ‌వ‌చ్చ‌ని కేంద్రం తెలిపింది. అయితే, ఈ స‌మ‌స్య‌ల ప‌ట్ల ఆందోళ‌న చెందాల్సిన అవ‌స‌రం లేద‌ని స్ప‌ష్టం చేసింది. క‌రోనా బారిన ప‌డి కోలుకున్న త‌ర్వాత కూడా ఏ మాత్రం అల‌స‌త్వం ప్ర‌ద‌ర్శించ‌కుండా ఆరోగ్యప‌రంగా కొన్ని జాగ్ర‌త్త‌లు తీసుకుంటే స‌రిపోతుంద‌ని కేంద్రం చెప్పింది.

క‌రోనా నుంచి కోలుకున్న వారు కూడా ఫేస్ మాస్క్ ధ‌రించ‌డం, శానిటైజ‌ర్ ఉప‌యోగించ‌డం, భౌతిక దూరం పాటించ‌డం అని కేంద్రం స్ప‌ష్టం చేసింది. రోగ నిరోధ‌క శ‌క్తిని పెంచుకునే ఆహారం తీసుకోవాల‌ని, రోజూ గోరు వెచ్చ‌టి నీటిని తాగాల‌ని చెప్పింది. బీపీ, షుగ‌ర్‌, గుండె ప‌ని తీరును, శ‌రీరంలో ఆక్సిజ‌న్ లెవెల్స్‌ను ఎప్ప‌టిక‌క‌ప్పుడు ప‌రీక్షించుకోవాల‌ని సూచించింది. ఏదైనా స‌మ‌స్య‌గా ఉంటే వెంట‌నే వైద్యుల‌ను సంప్ర‌దించాల‌ని చెప్పింది.

“ప్ర‌తీరోజూ యోగా, ప్రాణాయామ‌, మెడిటేష‌న్ చేయాల‌ని సూచించింది. ప్ర‌తీరోజూ ఉద‌యం లేదా సాయంత్రం వేళ వాకింగ్ చేయాలి. మ‌ధ్య‌పానం, ధూమ‌పానానికి కొంత‌కాలం పాటు పూర్తిగా దూరంగా ఉండాలి. స‌రిప‌డా నిద్ర‌, విశ్రాంతి తీసుకోవాలి. బ్రీతింగ్ ఎక్స‌ర్‌సైజెస్ చేయాలి. ఆహారంలో జాగ్ర‌త్త‌లు తీసుకోవాలి” అని కేంద్ర ఆరోగ్య శాఖ చెప్పింది. కోవిడ్ నుంచి కోలుకున్న వారంతా ఈ జాగ్ర‌త్త‌లు తీసుకొవాల‌ని చెప్పింది.

Related News