logo

  BREAKING NEWS

8 గంట‌ల కంటే ఎక్కువ ప‌ని చేయ‌డం ఎంత డేంజ‌రో తెలుసా ?  |   53 మంది మహిళా ఖైదీలకు సీఎం జగన్ శుభవార్త!  |   బీజేపీ ఎన్నికల మేనిఫెస్టో విడుదల: గ్రేటర్ ప్రజలపై వరాల జల్లు!  |   ఎడ‌మ చేతివాటం ఎందుకు వ‌స్తుంది ? వారిలో తేడా ఏముంటుంది ?  |   ఏబీ వెంకటేశ్వర్ రావుకు సుప్రీంలో షాక్..!  |   జ‌గ‌న‌న్న తోడు.. పేద‌ల‌కు రూ.10 వేలు.. ఇలా పొందాలి  |   ‘దమ్ముంటే కూల్చరా’.. అక్బరుద్దీన్ కు బండి సంజయ్ సవాల్!  |   మేయర్ పీఠాన్ని దక్కించుకోగానే వారిని తరిమికొడతాం .. పాతబస్తీపై బండి సంచల వ్యాఖ్యలు  |   కరోనా సెకండ్ వేవ్: తెలంగాణ సర్కార్ కీలక నిర్ణయం!  |   మహిళల భద్రతకు ‘అభయం’ యాప్.. ఎలా పనిచేస్తుంది? ప్రత్యేకతలేమిటి?  |  

అమ‌రావ‌తిపై కీల‌క ప‌రిణామం.. అనుకున్న‌ట్లే జ‌రిగింది

అమ‌రావ‌తి రాజ‌ధాని భూకుంభ‌కోణం వ్య‌వ‌హారంలో కీల‌క ప‌రిణామం చోటు చేసుకుంది. ఈ వ్య‌వ‌హారంలో ఇన్‌సైడ‌ర్ ట్రేడింగ్ జ‌రిగింద‌ని ప్రాథ‌మిక నివేదిక‌ల ఆధారంగా ఏసీబీ కేసు న‌మోదు చేసింది. ఇన్‌సైడ‌ర్ ట్రేడింగ్‌కు సంబంధించి ఇక ఏసీబీ లోతుగా విచార‌ణ జ‌ర‌ప‌నుంది. అమ‌రావ‌తిలో రాజ‌ధాని వ‌స్తుంద‌ని ప్ర‌క‌టించ‌డానికి ముందే తెలుగుదేశం పార్టీ నేత‌లు, ఆ పార్టీ ముఖ్యుల‌కు స‌న్నిహితులు బినామీల పేర్ల‌తో దాదాపు 4,075 ఎక‌రాల‌ను కొనుగోలు చేశార‌నేది ఇన్‌సైడ‌ర్ ట్రేడింగ్ వ్య‌వ‌హారంలో ప్ర‌ధాన ఆరోప‌ణ‌.

ఈ భూమిలో 900 ఎక‌రాలు నిబంధ‌న‌ల‌కు విరుద్ధంగా ద‌ళితుల అసైన్‌మెంట్ భూమి కూడా ఉంది. అంతేకాదు, ఇన్‌సైడ‌ర్ ట్రేడింగ్‌లో బినామీల‌తో భూములు కొన్న ప్ర‌ముఖులు తెల్ల రేష‌న్ కార్డు ఉన్న వారిని బినామీలుగా పెట్టుకున్నారు. ఇటువంటి అనేక ఆరోప‌ణ‌లు అమ‌రావ‌తి భూకుంభ‌కోణంలో ఉన్నాయి. వీట‌న్నింటినీ ఇప్ప‌టికే ప్ర‌భుత్వం సిట్‌ వేసి ఆధారాల‌ను బ‌య‌ట‌కు తీసింది.

ఈ ఆధారాల మేర‌కు ఇన్‌సైడ‌ర్ ట్రేడింగ్ జ‌రిగింద‌నేది వాస్త‌వ‌మే అని తెలుసుకున్నాక ఏసీబీ విచార‌ణ‌కు ఆదేశించారు. మ‌రోవైపు వైసీపీ ఎంపీలు అమ‌రావ‌తి భూకుంభ‌కోణంలో సీబీఐ విచార‌ణ సైతం జ‌ర‌పాల‌ని పార్ల‌మెంటులో డిమాండ్ చేయాల‌ని నిర్ణ‌యించుకున్నారు. కాగా, ఏసీబీ కేసు న‌మోదు చేయ‌డాన్ని తెలుగుదేశం పార్టీ నేత‌లు, అమ‌రావ‌తి రైతులు వ్య‌తిరేకిస్తున్నారు. అమ‌రావ‌తి ఉద్య‌మం నుంచి దృష్టి మ‌ళ్లించేందుకే ఈ విచార‌ణ జ‌రుపుతున్నార‌ని ఆరోపిస్తున్నారు.

Related News