logo

  BREAKING NEWS

మహిళలు పీరియడ్స్ సమయంలో వాక్సిన్ తీసుకుంటే ప్రమాదమా?  |   బీపీ, షుగర్ ఉన్నవారు వాక్సిన్ వేసుకోవచ్చా..?  |   కోవిడ్ చికిత్సకు కొత్త మందు.. ఆమోదించిన డీసీజీఐ, ఒక్క డోసుతో కరోనా ఆటకట్టు  |   కరోనా రోగులకు ఆక్సిజన్ స్థాయిలు అమాంతం పెంచే టెక్నిక్.. సూచించిన ఆరోగ్య శాఖ  |   మళ్ళీ తగ్గిన బంగారం ధరలు: 24.04. 2021 బంగారం, వెండి ధరలు  |   మౌత్ వాష్ లతో తగ్గుతున్న కరోనా ముప్పు.. నోట్లోనే వైరస్ ఖతం!  |   రూ. 50 వేల ప్రారంభ వేతనంతో.. డీఎఫ్‌సీసీఐఎల్ ప్రభుత్వ రంగ సంస్థలో భారీగా ఉద్యోగాలు  |   కరోనా రోగులకు శుభవార్త: ఇంట్లోనే ఆక్సిజన్.. ఈ ఒక్కటి ఉంటె చాలు!  |   కరోనా తిప్పలు తీరుస్తున్న ‘తిప్పతీగ’.. మహమ్మారికి దివ్యౌషధం, కరోనా సోకినా ఏమీ చేయలేదట!  |   కరోనా బారిన పడ్డారా? చికిత్స ఎలా? ఆక్సిజన్ ఎక్కడ దొరుకుతుంది? ఆసుపత్రుల వివరాలు అన్నిటికీ ఒకటే యాప్  |  

బ్రెస్ట్ క్యాన్సర్ లక్షణాలు ఎలా ఉంటాయి? ఎలాంటి జాగ్రత్తలు తీసుకోవాలి?

బ్రెస్ట్ క్యాన్సర్.. చాపకింద నీరులా విస్తరిస్తున్న ఈ సమస్య రోజురోజుకీ తీవ్రమవుతూ మహిళల ప్రాణం తీస్తోంది.. మన దేశంలో ప్రతి 10 మందిలో ఒకరు ఈ వ్యాధి బారిన పడుతున్నారు. చాలా మంది ఈ వ్యాధిపై పై అవగాహన లేమి కారణంగా చివరి దశలో దీనిని గుర్తిస్తుంటారు. ఈ దశ ప్రమాదకరమైనది. అందుకే ముందు నుంచే మహిళలు ఈ సమస్య పట్ల అవగాహనం పెంచుకోవడం చాలా అవసరం. ఈ వ్యాధి గురించిన లక్షణాల ముందుగానే గుర్తించడం వల్ల సమస్య గురించి ముందునుంచే జాగ్రత్త పడొచ్చు. మరి బ్రెస్ట్ క్యాన్సర్ గురించిన వాస్తవాలు, అపోహలు వాటి లక్షణాలు ఏంటో ఇప్పుడు చూద్దాం..

కారణాలు:
మహిళల్లో వయసై పెరుగుతున్న కొద్దీ బ్రెస్ట్ క్యాన్సర్ రిస్కు కూడా పెరుగుతుండటం వైద్యులు గుర్తించారు. వారి కుటుంబంలో ఎవరికైనా ఈ క్యాన్సర్ ఉంటె అది తరువాతి తరాల వారికీ వచ్చే అవకాశం ఉంటుంది. 12 ఏళ్ల కంటే ముందుగానే రజస్వల కావడం, 55 ఏళ్ళ కంటే ముంచే నెలసరి ఆగిపోయిన స్త్రీలకు ఈ రిస్క్ ఎక్కువగా ఉంటుంది. 30 ఏళ్ల తర్వాత తొలి సంతానం కలగడం, హార్మోన్ మాత్రలు ఎక్కువగా తీసుకోవడం, అధిక బరువు ఉండటం లాంటివన్నీ ఈ క్యాన్సర్ కు కారణాలుగా చెప్పవచ్చు.

బ్రెస్ట్ క్యాన్సర్ లక్షణాలు ఎలా ఉంటాయి?
మహిళలు పీరియడ్స్ మొదలైన 5, 6 వ రోజుల్లో ఎవరికి వారు సెల్ఫ్ చెక్ చేసుకోవాలి. అద్దం ముందు నిల్చుని రొమ్ములను క్లాక్ వైజ్, యాంటీ క్లాక్ వైజ్ దశల్లో తిప్పుతూ పరీక్షించుకోవాలి. చేతికి ఏదైనా గడ్డలా తగులుతుందా అనే విషయం పరీక్షించాలి. సాధారణ చర్మం రంగుకన్నా ఛాతీపై చర్మం నారింజ, పసుపు రంగుల్లో ఉండి బ్రెస్ట్ నిపుల్స్ చుట్టూ ఉండే చర్మం పొలుసులుగా మారి రాలిపోతుంటే కచ్చితంగా వైద్యులను సంప్రదించాలి. నిపుల్స్‌ని నొక్కితే అవి సరిగా లోపలికి వెళ్లకపోయినా, రెండు కూడా డిఫరెంట్ సైజ్‌లలో ఉన్నా కూడా బ్రెస్ట్ క్యాన్సర్ ఉన్నట్లు అనుమానించాలి. నిపుల్స్ నుంచి తెలుపు, పసుపు రంగుల్లో ఏదైనా ద్రవం ఏదైనా వస్తుందా అనే విషయం గమనించుకోవాలి. రొమ్ములు, చంకల్లో గడ్డలు ఉన్నట్లుగా అనిపించినా అనుమానించాలి. బ్రెస్ట్ క్యాన్సర్ ను మొదటి దశలోనే గుర్తించి వైద్యులను సంప్రదించడం వలన ఈ సమస్య నుంచి చాలా సులభంగా బయటపడవచ్చు.

వాస్తవాలు- అపోహలు..
రొమ్ముల్లో గడ్డలు ఉండటం సహజం అయితే అవన్నీ క్యాన్సర్ కు సంబందించినవి కావు. కొంత మంది స్త్రీలలో ఫైబ్రో ఎడినోమా కారణంగా కూడా ఈ గడ్డలు ఏర్పడతాయి అవి ప్రమాదకరమైనవి కావు. కానీ పరీక్ష చేయించుకోవడం తప్పనిసరి. సాధారణంగా 50 సంవత్సరాలు దాటిన మహిళలకే బ్రెస్ట్ క్యాన్సర్ వస్తుందనేది పూర్తిగా నిజం కాదు. ఇటీవల చిన్న వయసు స్త్రీలలో కూడా ఈ వ్యాధి లక్షణాలు బయటపడుతున్నాయి. బ్రెస్ట్ క్యాన్సర్ స్త్రీలకు మాత్రమే వస్తుందనేది అపోహ మాత్రమే. పురుషులకు కూడా ఈ క్యాన్సర్ వచ్చే అవకాశాలు ఉన్నాయి.

క్యాన్సర్ ను ఎలా నిర్దారిస్తారు?
చాలా సందర్భాల్లో బ్రెస్ట్ క్యాన్సర్ ను గుర్తించడం చాలా కష్టం. అందుకోసం మామోగ్రఫీ అనే పరీక్ష ద్వారా ముందే గుర్తించే అవకాశం ఉంటుంది. 40 ఏళ్ళు పైబడిన స్త్రీలంతా మామోగ్రఫీ పరీక్ష తప్పక చేయించుకోవాలి.

బ్రెస్ట్ క్యాన్సర్ రాకుండా ఉండాలంటే..
సీజనల్ గా మా మనకు లభించే మామిడి పండ్లలో బ్రెస్ట్ క్యాన్సర్ కణాలతో పోరాడే శక్తి ఉంటుంది. ఇందులో ఉండే పోలిఫినోల్ అనే రసాయనం బ్రెస్ట్ క్యాన్సర్ తో పాటుగా ప్రొస్టేట్, లుకేమియా, ఊపిరితిత్తుల క్యాన్సర్ కణాల పై అద్భుతమైన ప్రభావం చూపుతుంది. ప్రతిరోజూ 60 గ్రాముల చొప్పున వాల్ నట్స్ తీసుకోవాలి. ఇందులోని ఒమెగా 3, యాంటీ ఆక్సిడెంట్స్, పైతోస్టెరాల్స్ బ్రెస్ట్ క్యాన్సర్ కారణమయ్యే కణాల పెరుగుదలను నివారిస్తాయి. పసుపు, అవిసె గింజలను కూడా ఆహారంలో చేర్చుకోవాలి.

Related News