logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

ఎముకలు ఉక్కులా మారాలంటే ఇవి తినాల్సిందే!

ఎముకలు ఆరోగ్యంగా ఉంటేనే మీరు ఎక్కువ కాలం యవ్వనంగా ఉండగలుగుతారు. అంతేకాక ఎముకలు లోపలి అవయవాలకు రక్షణ ఇచ్చి కండరాలను ధృడంగా మారుస్తాయి. అందుకోసం కాల్షియం ఎంతో అవసరమన్న విషయం తెలిసిందే. వయసు పెరుగుతున్న కొద్దీ ఎముకలు బలహీనంగా మారతాయి. ముఖ్యంగా మహిళల్లో 30 ఏళ్లు దాటుతుండగానే ఈ సమస్య మొదలవుతుంది.

కాల్షియంతో పాటుగా ఎముకలు పెళుసుబారకుండా ఉండటానికి విటమిన్ -డి కూడా ఎంతో ముఖ్యం. ఈ రెండూ ఎముకల నిర్మాణాన్ని బలంగా ఉంచుతాయి. కాల్షియం లోపం ఉన్నవారిలో చిన్నవయములోనే ఎన్నో సమస్యలు ఎదుర్కోవలసి ఉంటుంది. అయితే కాల్షియం కోసం సప్లిమెంట్లపై ఆధారపడటం కంటే ఆహారంతోనే ఈ సమస్యను ఎదుర్కోవాలని వైద్యులు సూచిస్తున్నారు.

పాలు, పెరుగు శరీరానికి అవసరమైన కాల్షియంను అందించడంలో ఎంతో ఉపయోగపడతాయి. వీటి ద్వారా పాస్ఫరస్ కూడా అందుతుంది. అలాగే కొన్ని రకాల ఆకు కూరల్లో మెగ్నీషియం, పొటాషియం కూడా లభిస్తుంది. పప్పు ధాన్యాలు, పాల పదార్థాల నుంచి మాంసకృత్తులు అందుతాయి. విటమిన్ డి కోసం రోజులో కొంత సేపు పగటి పూట ఎండలో గడిపితే సరిపోతుంది. అయితే ఎక్కువ మోతాదులో ఉప్పు, కూల్ డ్రింక్స్, మాంసాహారం, కాఫీ తాగడం, పొగాకు వాడటం, శారీరక శ్రమ లేకపోవడం వలన ఎముకలు పెళుసుబారే అవకాశం అధికంగా ఉంటుంది.

ప్రతి రోజూ తెలికపాటి వ్యాయామాలు చేయడం వల్ల కూడా ఎముకలు ధృడంగా మారతాయి. రోజుకి రెండు సార్లు టమాటో జ్యుస్ ను తాగడం వల్ల ఎముకలకు అవసరమైన కాల్షియం పుష్కలంగా అందుతుంది. పాలకూరలో ఎముకల దృఢత్వానికి అవసరమైన అన్ని పోషకాలు సమృద్ధిగా ఉంటాయి. సిట్రస్ పండ్లు ఎముకల ఆరోగ్యానికి మంచి ఆహారం. బత్తాయి, నిమ్మ, ద్రాక్షలలో ఉండే సి విటమిన్ కాల్షియంను ఇవ్వడమే కాకుండా రోగనిరోధకశక్తిని పెంపొందిస్తాయి. వీటితో పాటుగా అధిక బరువును తగ్గించుకోవాలి. లేదంటే ఇది నాలుగు రెట్ల అధిక బరువును ఎముకలపై వేసి భవిష్యత్తులో అస్టిరియోపోరోసిస్ వ్యాధి బారిన పడేలా చేస్తాయి.

Related News