logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

ఎమ్మెల్సీగా బొగ్గారపు దయానంద్.. కేసీఆర్ వ్యూహం అదే?

ఖాళీగా ఉన్న ప్రభుత్వ నామినేటెడ్ ఎమ్మెల్సీ పదవులను భర్తీ చేస్తూ రాష్ట్ర ప్రభుత్వం నిర్ణయం తీసుకున్న విషయం తెలిసిందే. ప్రజాకవి, వాగ్గేయకారుడు గోరెటి వెంకన్న, మాజీ మంత్రి, రజక సంఘం జాతీయ నాయకుడు బసవరాజు సారయ్యల పేర్లు ఖరారు చేసారు కేసీఆర్. వారితో పాటుగా బొగ్గారపు దయానంద్ ను కూడా ఎమ్మెల్సీగా నియమించనున్నారు.

గోరెటి వెంకన్న, బసవరాజు సారయ్యలు తెలంగాణ ఉద్యమంలో కీలక పాత్ర పోషించిన వ్యక్తులుగా ప్రజలకు పరిచయం అక్కరలేని పేర్లు. కానీ బొగ్గారపు దయానంద్ ఎవరనే విషయం చాలా మందికి తెలియదు. అలాంటి వ్యక్తికి ఎమ్మెల్సీ పదవిని ఇవ్వడం వెనుక కేసీఆర్ వ్యూహాత్మకంగా వ్యవహరించారనే చర్చ నడస్తుంది.

బొగ్గారపు దయానంద్ ఎన్టీఆర్ ముఖ్యమంత్రిగా ఉన్న కాలంలో ఆయన దగ్గర పని చేసిన వ్యక్తిగా చెప్తారు. అలాగే ఆర్య వైశ్య సంఘం నాయకుడిగా ఆ సామాజికవర్గంలో గొప్ప పేరుంది. ఆయనను వివాద రహితుడిగా పిలుస్తారు. ఆ సామాజిక వర్గంలో ప్రముఖులుగా చెప్పుకునే వ్యక్తులకన్నా బొగ్గారపు దయానంద్ ఎంతో సీనియర్ నేత. కానీ మీడియా ఫోకస్ ఎక్కువగా లేకపోవడంతో అయన గురించి బయటకు తెలియకుండా పోయింది.

బీఎస్సి పట్టభద్రుడైన దయానంద్ హైద్రాబాద్ వాసి. ఉమ్మడి రాష్ట్రంలో సాధారణ శాఖలో ఉప సంచాలకుడిగా పని చేసి 2003 లో రిటైర్ అయ్యారు. 2014 లో టీఆర్ఎస్ పార్టీలో చేరారు. ప్రస్తుతం వ్యాపారవేత్తగా ఉన్నారు. వాసవి సేవా కేంద్రానికి జీవితకాల సలహాదారు. ఆర్థికంగా కూడా ఎంతో పలుకుబడి ఉన్న వ్యక్తి. కానీ ఎంతోకాలంగా పార్టీలో ఉన్నా తగిన గుర్తింపు రాలేదనే అసంతృప్తి ఆయనలో ఉంది.

మరికొన్ని రోజుల్లో గ్రేటర్ ఎన్నికలు సమీపిస్తున్న సమయంలో దయానంద్ నియామకం ఆర్యవైశ్య సామాజిక వర్గాల్లో కలిసొస్తుందని కేసీఆర్ భావించినట్టు తెలుస్తుంది. అంతేకాదు తమ సామాజిక వర్గం వారికి రాజకీయ పార్టీల నుంచి సరైన ఆదరణ లేదని, ఎన్నికల సమయంలో మాత్రమే తమను వాడుకుంటారనే ఆగ్రహం ఆర్యవైశ్యుల్లో ఉంది. ఈ అంశాలన్నీ దృష్టిలో ఉంచుకునే కేసీఆర్ ముందు చూపుతో వ్యవహరించినట్టుగా విశ్లేషకులు అభిప్రాయపడుతున్నారు.

Related News