logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

ఎన్నిక‌ల్లో గెలిస్తే ఉచితంగా క‌రోనా వ్యాక్సిన్‌… బీజేపీ హామీ

క‌రోనా వైర‌స్‌తో ప్ర‌జ‌ల్లో నెల‌కొన్న భ‌యాందోళ‌న‌ల‌ను, వ్యాక్సిన్ ప‌ట్ల ప్ర‌జ‌ల్లో ఉన్న ఆశ‌ల‌ను ఎన్నిక‌ల కోసం ఉప‌యోగించుకునేందుకు అమెరికా అధ్య‌క్షుడు డోనాల్డ్ ట్రంప్ ప్ర‌య‌త్నిస్తున్న విష‌యం తెలిసిందే. అమెరికాలోనే కాదు మ‌న దేశంలోనూ భార‌తీయ జ‌న‌తా పార్టీ క‌రోనా వ్యాక్సిన్‌ను ఎన్నిక‌ల్లో ఓట్లు రాబ‌ట్టేందుకు ఉప‌యోగించుకుంటోంది. బిహార్ అసెంబ్లీ ఎన్నిక‌ల‌కు సంబంధించిన మేనిఫెస్టోలో ఈ హామీని చేర్చింది.

బిహార్ ఎన్నిక‌ల మీజేపీ మేనిఫెస్టోను కేంద్ర ఆర్థిక శాఖ మంత్రి నిర్మ‌లా సీతారామ‌న్ విడుద‌ల చేశారు. పాంచ్ సూత్ర‌, ఏక్ ల‌క్ష్య‌, 11 సంక‌ల్ప్ పేరుతో ఈ మేనిఫెస్టోను రూపొందించారు. ఈ మేనిఫెస్టోలోనే క‌రోనా వ్యాక్సిన్‌కు సంబంధించి కూడా ఓ ఆశ్చ‌ర్య‌క‌ర‌మైన హామీని ఇచ్చింది బీజేపీ. బిహార్ ఎన్నిక‌ల్లో త‌మ పార్టీ అధికారంలోకి వ‌స్తే ఐసీఎంఆర్ చేత అనుమ‌తి పొందిన క‌రోనా వ్యాక్సిన్‌ను ప్ర‌తి బిహారీకి ఉచితంగా అందిస్తామ‌ని హామీ ఇచ్చారు.

ఇవే కాకుండా బిహార్‌లో 19 ల‌క్ష‌ల మందికి ఉద్యోగాలు ఇస్తామ‌ని సైతం బీజేపీ హామీ ఇచ్చింది. బిహార్‌లో గ‌త ప‌దిహేనేళ్ల త‌మ ఎన్డీఏ పాల‌న‌లో రాష్ట్రంలో అన్ని విధాలుగా అభివృద్ధి చెందుతోంద‌ని బీజేపీ చెబుతోంది. కాగా, తాము గెలిస్తే 10 ల‌క్ష‌ల ఉద్యోగాలు ఇస్తామ‌ని ఆర్జేడీ నేత తేజ‌స్వీ యాద‌వ్ కూడా ఎన్నిక‌ల హామీ ఇచ్చిన సంగ‌తి తెలిసిందే.

Related News