logo

  BREAKING NEWS

జ‌గ‌న్ షాకింగ్ నిర్ణ‌యం.. ఇద్ద‌రు తెలంగాణ వాళ్ల‌కు రాజ్య‌స‌భ సీటు  |   ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |  

ఒక్క బ‌ర్త్‌డే పార్టీ… 45 మందికి క‌రోనా వైర‌స్‌

లాక్‌డౌన్ ఉల్లంఘించి నిర్వ‌హించిన పుట్టున రోజు వేడుక‌ల వ‌ల్ల 45 మందికి క‌రోనా వైర‌స్ సోకింది. మ‌న‌కేమీ కాదులే అనే అల‌స‌త్వం ఎంత న‌ష్టం చేస్తుందో చెప్పే ఉదాహ‌ర‌ణ ఇది. హైద‌రాబాద్‌లోని మ‌ల‌క్‌పేట గంజ్‌లో ఓ దుకాణ‌దారుడికి త‌న వ‌ద్ద ప‌ని చేసే మ‌నిషి ద్వారా క‌రోనా వైర‌స్ సోకింది. ఈ విష‌యాన్ని ఇంకా బ‌య‌ట‌ప‌డ‌క‌ముందే తోటి దుకాణ‌దారుడు, స్నేహితుడైన ఓ వ్య‌క్తి పుట్టిన రోజు వేడుక‌ల‌ను వ‌న‌స్థ‌లిపురంలో నిర్వ‌హించాడు.

ఈ కార్య‌క్ర‌మానికి ప‌లువురు స్నేహితులు, కుటుంబ‌స‌భ్యులు హాజ‌ర‌య్యారు. ఈ వేడుక‌లో క‌రోనా వైర‌స్ వ్యాపించింది. దీంతో ఇద్ద‌రు దుకాణ‌దారుల కుటుంబాలు, బంధువు‌ల్లోనే 25 మందికి క‌రోనా వైర‌స్ సోకింది. వీరంతా ఎల్‌బీన‌గ‌ర్‌, వ‌న‌స్థ‌లిపురం, స‌రూర్‌న‌గ‌ర్ ప్రాంతాల‌కు చెందిన వారే. దీంతో ఎల్‌బీన‌గ‌ర్ ప్ర‌స్తుతం క‌రోనా హాట్ స్పాట్‌గా మారిపోయింది. ఇంత‌కుముందు ఎల్‌బీన‌గ‌ర్‌లో కేవ‌లం రెండు కంటైన్‌మెంట్ జోన్లు మాత్ర‌మే ఉండ‌గా ఈ బ‌ర్త్‌డే పార్టీ వ‌ల్ల 15 క్ల‌స్ట‌ర్లు ఏర్పాట‌య్యాయి.

వీరి ద్వారా ఇంకా ఎవ‌రెవ‌రికి క‌రోనా సోకింది, వీరు ఇంకా ఎవ‌రెవ‌రిని క‌లిశార‌నేది తేల్చే ప‌నిలో అధికార యంత్రాంగం ప‌డింది. కంటైన్‌మెంట్ క్ల‌స్ట‌ర్‌ల‌లో అంద‌రినీ హోం క్వారంటైన్ చేశారు. ఇలా, ఓ వ్య‌క్తి అల‌స‌త్వానికి త‌న స్నేహితులు, కుటుంబ‌స‌భ్యులు, బంధువులు, చుట్టుప‌క్క‌ల వారు అంతా ఇబ్బంది ప‌డుతున్నారు. కాబ‌ట్టి, కొన్నాళ్ల వ‌ర‌కు ఇటువంటి వేడుక‌ల‌కు దూరంగా ఉంటే మంచిది.

Related News