logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

ప్రభాస్ సూపర్ హిట్ సినిమా రీమేక్ లో బెల్లంకొండ శ్రీనివాస్

ప్రముఖ నిర్మాత బెల్లంకొండ సురేష్ సినీ వారసుడిగా టాలీవుడ్ లోకి ఎంట్రీ ఇచ్చాడు బెల్లంకొండ సాయి శ్రీనివాస్. ఇప్పటివరకు నటించిన సినిమాలేవీ శ్రీనివాస్ కు కలిసిరాలేదు. భారీ అంచనాల మధ్య వచ్చిన మొదటి సినిమా ‘అల్లుడు శీను’ కాస్ట్ ఫెయిల్యూర్ గా నిలిచింది. ఆ తర్వాత వచ్చిన జయజానకినాయక, సాక్ష్యం సినిమాలు నిరాశపరిచాయి. ఒక్క రాక్షసుడు సినిమా మాత్రమే రెగ్యులర్ కమర్షియల్ సినిమాలకు భిన్నంగా ఉండటంతో పరవాలేదనిపించింది. ఇలా కెరీర్ మొదలుపెట్టిన నాటి నుంచి తనను తాను ప్రూవ్ చేసుకోవడానికి ఈ హీరో కష్టపడుతూనే ఉన్నాడు. అయినా సరైన మార్కెట్ మాత్రం క్రియేట్ అవ్వడం లేదు.

తాజాగా ఈ హీరో మరో ఇంట్రెస్టింగ్ డెసిషన్ తీసుకున్నట్టుగా తెలుస్తుంది. తన నెక్స్ట్ సినిమాతో బాలీవుడ్ లోకి ఎంట్రీ ఇవ్వనున్నాడు. అందుకోసం తెలుగులో సూపర్ డూపర్ హిట్టైన ప్రభాస్ సినిమాను ఎంచుకుంటున్నాడు. పదిహేనేళ్ల క్రితం రాజమౌళి- ప్రభాస్ కాంబినేషన్లో వచ్చిన ఛత్రపతి సినిమా బాక్స్ ఆఫీస్ రికార్డులను తిరగరాసింది. ఈ సినిమాతోనే ప్రభాస్ స్టామినా మరో స్థాయికి చేరింది. ఇప్పుడు ఇదే సక్సెస్ ఫుల్ సినిమాను హిందీ ప్రేక్షకులకు రీమేక్ ద్వారా అందించబోతున్నారు.

ప్రభాస్ పాత్రలో బెల్లంకొండ శ్రీనివాస్ కనిపించబోతున్నాడు. అందుకోసం ఇప్పటికే లుక్స్ కూడా మార్చుకునే పనిలో ఉన్నాడట. అయితే ఈ సినిమాను ఇప్పటికే హిందీ ప్రేక్షకులు డబ్బింగ్ రూపంలో చూసేసారు. దీంతో ఇప్పుడు ఈ కథలో కొన్ని మార్పులు చేయాలని భావిస్తున్నారట. అందుకోసం సినీ కథను అందించిన రచయిత విజయేంద్రప్రసాద్ నే మరోసారి రంగంలోకి దింపనున్నారట. ఈ కథలో కొన్ని మార్పులు చేసి సెంటిమెంట్ పాళ్లను తగ్గించాలని, మాస్ ఎలిమెంట్స్ జోడించి యాక్షన్ సినిమాగా తీర్చిదిద్దాలని కోరారట.

అయితే ఈ సినిమాకు దర్శకుడు ఎవరనే విషయం ఇంకా తెలియరాలేదు. కానీ దక్షిణాది నుంచే పవర్ ఫుల్ దర్శకుడిని ఎంచుకోనున్నారట. అందుకోసం లింగుస్వామి, ప్రభుదేవా, సుజిత్ పేర్లు వినిపిస్తున్నాయి. అయితే విజయేంద్రప్రసాద్ కథకు మార్పులు చేసేలోపు సమయం పట్టవచ్చు. ఆయన దగ్గర నుంచి కొత్త స్క్రిప్ట్ వచ్చేలోపు ఈ సినిమాకు దర్శకుడిని ఫిక్స్ చేయాలనీ నిర్ణయించుకున్నారట. ఈ వార్త ఇప్పుడు టాలీవుడ్ లో హాట్ టాపిక్ గా మారింది. మరి ఈ సినిమాకు సంబందించిన పూర్తి వివరాలు తెలియాలంటే అధికారిక ప్రకటన వచ్చేవరకు ఆగాల్సిందే.

Related News