logo

  BREAKING NEWS

రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |   గుడ్‌న్యూస్‌.. క‌రోనా ముక్కు వ్యాక్సిన్ సూప‌ర్‌  |   ఈ కిట్‌తో మ‌న‌మే క‌రోనా టెస్టు చేసుకోవ‌చ్చు.. ధ‌ర ఎంతో తెలుసా ?  |  

బ్యాంకులకు వరుస సెలవులు.. పనులు ఉంటె ఇప్పుడే పూర్తి చేసుకోండి!

కరోనా కారణంగా బ్యాంకు సేవలను సైతం ఆన్ లైన్ ద్వారా పొందుతున్నవారి సంఖ్య పెరిగిపోయింది. అయితే అన్ని పనులు ఆన్ లైన్ లో చేసుకోలేము. మార్చి చివరి వారం నుంచి ఏప్రిల్ మొదటి వారం వరకు బ్యాంకులకు వరుస సెలవులు ఉండనున్నాయి. బ్యాంకింగ్ సేవల కోసం మొబైల్ బ్యాంకింగ్, ఇంటర్నెట్ బ్యాంకింగ్ లాంటివి ఉన్నా కొన్ని పనులకు మాత్రం నేరుగా బ్యాంకులు వెళ్లే పరిస్థితి ఉంటుంది. అలాంటి వారు ముందుగానే సెలవులకు తగ్గట్టుగా తమ పనులను ప్లాన్ చేసుకుంటే చివరి నిమిషంలో ఇబ్బంది పడకుండా ఉంటారు.

మార్చి 27 నుంచి ఏప్రిల్ 4 వరకు బ్యాంకులకు సెలవులున్న తేదీలను పరిశీలిస్తే.. మార్చి 27 వ తేదీన నాల్గవ శనివారం. మార్చి 28న ఆదివారం. మార్చి 29న హోలీ పండగ సందర్భంగా సెలవు దినం. మార్చి 30 తేదీన చాలా ప్రాంతాల్లో బ్యాంకులకు సెలవు. మార్చి 31 ఆర్ధిక సంవత్సరం చివరి రోజు కాబట్టి బ్యాంకు సిబ్బంది బిజీగా ఉంటారు. సెలవు లేకపోయినా వరుస సెలవుల తర్వాత బ్యాంకులు తెరుచుకోవడంతో రద్దీ ఎక్కువగా ఉంటుంది. ఆ రోజున పనులు పూర్తి కాకపోవచ్చు.

ఏప్రిల్ 1వ తేదీన అకౌంట్స్ క్లోజింగ్ డే కాబట్టి బ్యాంకులు పనిచేయవు. ఏప్రిల్ 2న గుడ్ ఫ్రైడే. ఏప్రిల్ 3న సెలవు లేకపోయినా బ్యాంకులు రద్దీగా ఉండే అవకాశం ఉంది. ఏప్రిల్ 4న ఆదివారం కాబట్టి సెలవు. ఇక బ్యాంకు పనులు ఉన్న వారు మార్చి 27 వ తేదీ లోపు పూర్తి చేసుకోవాలి. లేదంటే ఏప్రిల్ 5 వ తేదీ మళ్ళీ బ్యాంకులు తెరుచుకునే రోజు వరకు ఆగాల్సి ఉంటుంది. ఇక అత్యవసర బ్యాంకు లావాదేవీలు ఉన్న వారు మాత్రం ముందుగానే పనులు ముగించుకోవడం మంచిది లేదంటే ఈ వరుస సెలవుల కారణంగా ఇబ్బందులు ఎదుర్కోక తప్పదు.

Related News