logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

బంపర్ ఆఫర్: ఫీజులకు బదులుగా కొబ్బరిబొండాలు అడుగుతున్న కాలేజీ

కరోనా లాక్ డౌన్ కారణంగా ఎన్నో రంగాలు ఆర్థికంగా నష్టపోయిన విషయం తెలిసిందే. అటు సామాన్య ప్రజలను కూడా ఎన్నడూ లేనన్ని ఇబ్బందులకు గురి చేసింది కరోనా. దీంతో తలిదండ్రులకు బదులు తెరుచుకున్నా స్కూలు, కాలేజీ ఫీజులు కట్టలేని పరిస్థితులు ఏర్పడ్డాయి. దీంతో ఓ కాలేజీ తల్లిదండ్రుల బాధలను అర్థం చేసుకుని ఓ వినూత్న ప్రకటన చేసింది.

ఫీజులు చెల్లించలేని విద్యార్థులు ఫీజు కింద కొబ్బరి బోండాలను తెచ్చి ఇవ్వొచ్చని బంపర్ ఆఫర్ ఇచ్చింది. ఈ వింత జరిగింది ఇండోనేషియాలోని బాలీలో. బాలి పేరు వినగానే మనకు గుర్తుకు వచ్చేది అందమైన ద్వీపం, ఆహ్లాదపరిచే బీచ్ లు. అయితే కరోనా కారణంగా అక్కడి పర్యాటక రంగానికి కూడా భారీగా నష్టం వాటిల్లింది. దీంతో అక్కడి పర్యాటకంపై ఆధారపడిన ప్రజలు జీవనోపాథి కోల్పోయారు.

ఇప్పట్లో సాధారణ పరిస్థితులు వచ్చే మార్గం కూడా కనిపించడం లేదు. దీంతో అక్కడి కాలేజీ యాజమాన్యాలు నగదుతో పని లేకుండా విద్యార్థులను ఫీజులకు బదులుగా కొబ్బరి బోండాలను తెచ్చి ఇస్తే చాలని చల్లని కబురు వినిపించింది. ఈ పిలుపుకు ఊహించని విధంగా స్పందన వస్తుంది. దీంతో సహజసిద్ధమైన వస్తువులను కూడా ఫీజుల కింద తీసుకుంటామని మరో ప్రకటన చేశాయి.

కాలేజీ వారు ఈ ఉత్పత్తులతో కొబ్బరినూనె, సహజసిద్ధ సబ్బులు, మూలికలతో కూడిన ఉత్పతులను తయారు చేసి విక్రయిస్తున్నారు. అయితే కావాలనుకుంటే విద్యార్థులే తమ ఉత్పత్తులను విక్రయించి నైపుణ్యాలను పెంచుకునే విధంగా ప్రోత్సహిస్తున్నామని తెలిపారు. వినూత్న ఆలోచన చేసిన కాలేజీ వారిని పలువురు ప్రశంసిస్తున్నారు.

Related News