logo

  BREAKING NEWS

మీనా భ‌ర్త మృతికి అస‌లు కార‌ణం ఇదే  |   మీ సిబిల్ స్కోర్ ఈజీగా పెంచుకోండి ఇలా  |   అంబాసిడ‌ర్ మ‌ళ్లీ వ‌స్తోంది.. కొత్త లుక్ సూప‌ర్‌  |   తిరుప‌తి రైల్వే స్టేష‌న్‌పై వివాదం.. డైరెక్ట‌ర్ నాగ్ అశ్విన్ ట్వీట్‌  |   వామ్మో.. ఓలా బైక్ ఎలా విరిగిపోయిందో చూడండి  |   ప‌వ‌న్ క‌ళ్యాణ్‌కు అందుకే నా మీద కోపం.. షాకింగ్ విష‌యం చెప్పిన‌ రాజ‌శేఖ‌ర్‌  |   ఆంటీతో యువ‌కుడి వివాహేత‌ర సంబంధం.. చివ‌ర‌కు విషాదాంతం  |   కేంద్రం బాట‌లో రాష్ట్రాలు.. భారీగా త‌గ్గుతున్న పెట్రోల్ ధ‌ర‌లు  |   దావోస్‌కు వెళ్లిన టీడీపీ ఎంపీ.. కేంద్ర‌మంత్రితో ఫోటో  |   రేవంత్ రెడ్డిని డిస్‌మిస్ చేయండి.. రాహుల్ గాంధీకి బండ్ల గ‌ణేష్ ఫిర్యాదు  |  

”గుడి కూలితే వామన్ రావు కూలతాడు”.. నిందితుడి ఆడియో టేప్ కలకలం!

హైకోర్టు న్యాయవాది వామన్ రావు దంపతుల దారుణ హత్య ఘటన రాష్ట్రవ్యాప్తంగా కలకలం రేపుతోంది. వామన్ రావు ఆయన భార్య నాగమణిని కారులో హైదరాబాద్ వెళ్తుండగా అడ్డగించిన దుండగులు అతి దారుణంగా వేట కొడవళ్ళతో నరికి చంపారు. కాగా తనపై దాడి చేసింది కుంట శ్రీనివాస్ గా ఆఖరి క్షణాల్లో వామన్ రావు వెల్లడించారు. ఈ నేపథ్యంలో ఈ కేసులో ఏ 1 నిందితుడిగా ఆరోపణలు ఎదుర్కుంటున్న కుంట శ్రీనివాసరావు సుపారీ గ్యాంగ్ తో మాట్లాడిన ఒక ఆడియో టేపు బయటకు వచ్చింది.

గుంజపడుగులోని కుల దేవత గుడి వివాదమే వామన్ రావు దంపతుల హత్యకు కారణంగా తెలుస్తుంది. ఈ ఆడియో 2018 కి సంబంధించినదిగా పోలీసులు అనుమానిస్తున్నారు. అయితే ఇందులో ప్రధాన నిందితుడు కుంటా శ్రీనివాస్ ‘గుడి కూలితే వామన్ రావు కూలిపోతాడు’ అని శ్రీనివాస్ మాట్లాడినట్టుగా తేలింది.

ఈ కేసులో హతుడు వామన్ రావు తండ్రి ఫిర్యాదు మేరకు ఏ -1 గా కుంట శ్రీనివాస్ , ఏ -2 గా అక్కపాక కుమార్, ఏ -3 గా వసంతరావును పోలీసులు గుర్తించారు. ప్రస్తుతం ఇద్దరినీ అరెస్టు చేయగా ప్రధాన నిందితుడు కుంట శ్రీనివాస్ పరారీలో ఉన్నట్లుగా సమాచారం. మరోవైపు ఈ హత్య కేసు రాజకీయా రంగు పులుముకుంటుంది. బీజేపీ అధ్యక్షుడు బండి సంజయ్ ఈ హత్య వెనుక ప్రభుత్వ పేదల హస్తముందని సంచలన వ్యాఖ్యలు చేసారు.

వామన్ రావు కుటుంబాన్ని పరామర్శించిన ఆయన వారి కుటుంబానికి అండగా ఉంటామని బీజేపీ తరపున న్యాయం జరిగేవరకు పోరాడతామని హామీ ఇచ్చారు. కాంగ్రెస్ సీనియర్ నేత ఉత్తమ్ కుమార్ సైతం తెలంగాణ ప్రభుత్వంపై ధ్వజమెత్తారు. కనీసం సీఎం కేసీఆర్ ఈ ఘటనపై స్పందించలేదని ఆగ్రహం వ్యక్తం చేసారు.

Related News
%d bloggers like this: