logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

కరోనా వాక్సిన్ పై ఏపీ ప్రభుత్వం కీలక నిర్ణయం!

దేశవ్యాప్తంగా రెండో విడత వ్యాక్సినేషన్ ప్రక్రియ వేగంగా జరుగుతుంది. ఇందులో భాగంగా 60 ఇండ్లు పైబడిన వారితో పాటు 45 సంవత్సరాల కంటే ఎక్కువ వయసు ఉండి దీర్ఘకాలిక వ్యాధులతో బాధపడుతున్న వారికీ వాక్సిన్ వేస్తున్నారు. ప్రధాని మోదీతో సహా పలువురు ప్రముఖులు ఇప్పటికే వాక్సిన్ వేయించుకున్న విషయం తెలిసిందే. ప్రభుత్వ, ప్రైవేటు ఆసుపత్రుల్లో కరోనా వాక్సిన్ అందుబాటులో ఉంది.

ఈ నేపథ్యంలో ఏపీ ప్రభుత్వం కీలక నిర్ణయం తీసుకుంది. సాధారణంగా వాక్సిన్ తీసుకునే వారు ముందుగా తమ పేరును ఆన్ లైన్ విధానంలో రిజిస్టర్ చేసుకోవలసి ఉంటుంది. ఏపీ ప్రభుత్వం తాజా నిర్ణయం మేరకు 60 ఇండ్లు పైబడిన వారికీ ఇందులో నుంచి మినహాయింపు లభించింది. వీరు ఆన్ లైన్ లో పేరు రిజిస్టర్ చేసుకోకపోయినా నేరుగా ఆసుపత్రులకు వెళ్లి టీకా వేయించుకోవచ్చు.

అందుకోసం ఏదైనా గుర్తింపు కార్డును చూపితే సరిపోతుంది. అలాగే 46 నుంచి 59 సంవత్సరాల లోపు వయసు ఉండి దీర్ఘకాలిక వ్యాధులతో బాధపడేవారు డాక్టర్ సంతకం చేసిన సెర్టిఫికెట్ ను తీసుకెళ్లాలి. సెర్టిఫికెట్ లేని వారు వారికి సంబందించిన బ్లడ్ టెస్టులు, మందుల ప్రిస్క్రిప్షన్ లాంటి ఏవైనా చూపితే ఆయా ఆసుపత్రుల్లోని వైద్యుల నుంచి ఒక ధ్రువ పత్రం లభిస్తుంది.

దాని ద్వారా వాక్సిన్ వేయించుకోవచ్చు. ఈ విషయాన్ని ఏపీ వైద్య ఆరోగ్య శాఖ వెల్లడించింది. అన్ని ప్రభుత్వ ఆసుపత్రులు, ఆరోగ్య శ్రీ నెట్ వర్క్ ఉన్న ఆసుపత్రుల్లో టీకాలు తీసుకోవచ్చని పేర్కొంది. రాష్ట్రవ్యాప్తంగా టీకాలు వేస్తున్న ఆసుపత్రుల వివరాలను cowin.gov. in వెబ్ సైట్ ద్వారా తెలుసుకోవచ్చు.

 

Related News