logo

  BREAKING NEWS

షాకింగ్‌.. భార్య‌ల‌ను అద్దెకు ఇస్తున్నారు  |   కౌశీక్ రెడ్డికి బంప‌ర్ ఆఫ‌ర్‌.. ఏకంగా డ‌బుల్ ప్ర‌మోష‌న్‌..!  |   తెలంగాణ బీజేపీకి జోష్‌.. త్వ‌ర‌లోనే మాజీ ఎంపీ, కాంగ్రెస్ కీల‌క నేత చేరిక‌  |   రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |  

రెండు రాష్ట్రాల వారికీ వర్తింపజేయండి.. సీఎం జగన్ ఆదేశాలు!

కృష్ణా జిల్లా వేదాద్రి వద్ద జరిగిన రోడ్డు ప్రమాదంపై ఏపీ ముఖ్యమంత్రి వైఎస్ జగన్ దిగ్బ్రాంతి వ్యక్తం చేసారు. మృతుల కుటుంబాలకు ప్రగాఢ సానుభూతి తెలిపారు. ఆస్పత్రిలో చికిత్స పొందుతున్న వారు త్వరగా కోలుకోవాలని ఆకాంక్షించారు. ఈ ప్రమాదంలో మృతుల కుటుంబాలకు రూ. 5 లక్షల ఎక్స్ గ్రేషియాను ప్రకటించారు.

ఏపీ భూభాగంలోనే ప్రమాదం సంభవించిన కారణంగా ఈ ప్రమాదంలో ప్రాణాలు కోల్పోయిన తెలంగాణ వాసులను కూడా మానవతా దృక్పథంతో ఆదుకోవాలని అధికారులకు సూచించారు. మృతుల కుటుంబాలకు అందిస్తున్న 5 లక్షల ఎక్స్ గ్రేషియాను తెలంగాణ వాసులకు కూడా వర్తింపజేయాలని ముఖ్యమంత్రి అధికారులను ఆదేశించారు.

వేదాద్రి ప్రమాదంపై తెలంగాణ ముఖ్యమంత్రి కేసీఆర్ ఆరా తీశారు. మృతుల కుటుంబాలకు సంతాపం తెలియజేసారు. మృతుల కుటుంబాలకు రూ. 2 లక్షల చొప్పున ఎక్స్ గ్రేషియాను ప్రకటించారు. ఈ ప్రమాదంలో మృతి చెందిన ఆంధ్రా వాసులకు కూడా దీనిని వర్తింపజేయాలని కేసీఆర్ వెల్లడించారు. ప్రమాదంలో గాయపడిన క్షతగాత్రులకు మెరుగైన వైద్యం అందించాలని మంత్రి పువ్వాడ అజయ్ కుమార్ ను ఆదేశించారు.

కాగా కృష్ణా జిల్లా వేదాద్రి వద్ద జరిగిన ట్రాక్టర్ ప్రమాదంలో ఖమ్మం, కృష్ణా జిల్లాలకు చెందిన 12 మంది ప్రాణాలు కోల్పోయారు. వీరిలో 9 మంది ఖమ్మం జిల్లా ఎర్రుపాలెం, జమలాపురం గ్రామాలకు చెందిన వారు కాగా ముగ్గురు కృష్ణ జిల్లా జయంతి గ్రామానికి చెందిన వారు ఉన్నారు. వేదాద్రి శ్రీయోగానంద లక్ష్మీనరసింహ స్వామి క్షేత్రానికి సమీపంలో బుధవారం మధ్యాహ్నం ఈ ఘటన చోటుచేసుకుంది.

Related News