logo

  BREAKING NEWS

ఇది విన్నారా..? కుంబాల గోత్రం.. ఆర్త్రా న‌క్ష‌త్రం.. జ‌గ‌న్మోహ‌న్‌రెడ్డి  |   ఏ వయసు వారికి టీకా వేస్తారు? సైడ్ ఎఫెక్ట్స్ ఏమిటి? ఎలాంటి జాగ్రత్తలు తీసుకోవాలి?  |   జనగామకు బీజేపీ చీఫ్ బండి సంజయ్.. ఉద్రిక్త వాతావరణం  |   సీరం కీలక ప్రకటన.. కరోనా వాక్సిన్ ధర ఎంతంటే?  |   చంద్రబాబు వ్యాఖ్యల దుమారం.. భారీ షాకిచ్చిన సొంత పార్టీ నేతలు!  |   వ్యవసాయ చట్టాలపై సుప్రీం కోర్టు కీలక ఆదేశాలు!  |   అప్ప‌టినుంచే రామ్‌తో ప‌రిచ‌యం.. ఆస‌క్తిక‌ర విష‌యాలు చెప్పిన సునీత  |   ఏపీ గవర్నర్ తో నిమ్మగడ్డ భేటీ.. ఏం జరుగుతోంది?  |   బ్రేకింగ్: హైదరాబాద్ కు కరోనా వాక్సిన్!  |   బ్రేకింగ్ : ఏపీ హైకోర్టు సంచలన నిర్ణయం.. నిమ్మగడ్డకు భారీ ఎదురుదెబ్బ!  |  

కిడ్నాప్ కేసులో అసలు సూత్రధారి ఆమే.. కాల్ రికార్డింగ్స్ తో షాకిచ్చిన పోలీసులు!

బోయిన్ పల్లి కిడ్నాప్ కేసులో పోలీసులు సంచలన విషయాలు వెల్లడించారు. ఈ కేసులో అఖిల ప్రియను ఏ1నిందితురాలిగా పోలీసులు గుర్తించారు. ఆమె భర్త భార్గవ్ రామ్ పాత్రపై కూడా పోలీసులు వివరాలను సేకరించారు. కాగా ఈ కేసులో అఖిల ప్రియ, కిడ్నాపర్లతో పాటుగా తాజాగా మరో ముగ్గురు అఖిలప్రియ అనుచరులను నిందితులుగా గుర్తించి అరెస్ట్ చేసారు.

వారిలో మల్లికార్జున్‌ రెడ్డి, సంపత్‌కుమార్‌, అఖిలప్రియ పీఏ బాలచెన్నయ్యలు ఉన్నారు. కిడ్నప్ కోసం అఖిల ప్రియా, కిడ్నపర్లు కలిసి కూకట్పల్లి లోని ఎస్ కె మొబైల్స్ లో రెండు కొత్త సిమ్ కార్డులను తీసుకున్నారు. నిందితులు ఉపయోగించిన సెల్ ఫోన్లు, కార్లను పోలీసులు స్వాదీనం చేసుకున్నారు. ఇప్పటికే ఈ కేసులో అఖిలప్రియ రిమాండ్ లో ఉన్న విషయం తెలిసిందే. కిడ్నాప్ జరిగిన రోజు ఏం జరిగిందనే విషయాన్ని సీపీ అంజనీ కుమార్ మీడియా సమావేశంలో వెల్లడించారు.

కేసు విచారణలో భాగంగా హైదరాబాద్ నుంచి గుంటూరు వరకు సెల్ టవర్లను ట్రేస్ చేసాము. ఈ కేసులో కీలక నిందితుడిగా ఉన్న గుంటూరు శీను కు నిందితులంతా టచ్ లోనే ఉన్నారు. యూసుఫ్ గుడాలో భార్గవ్ రామ్ కుచెందిన ఎంజిఎం స్కూల్ కు భార్గవ్ రామ్ వచ్చాడు. అఖిల ప్రియా పర్సనల్ నంబరుకు గుంటూరు శ్రీను 49 సార్లు ఫోన్ చేసి మాట్లాడాడు. శీను నుంచి మరో నిందితుడికి 29 సార్లు ఫోన్లు వెళ్లాయి. కిడ్నాప్ లో భార్గవ్ రామ్ పాత్ర కీలకంగా ఉంది.

సాక్ష్యాల ఆధారంగా అఖిల ప్రియను ఏ-1 గా తేల్చాము. గుంటూరు శ్రీను, మల్లికార్జున రెడ్డి పేర్లతో ఉన్న ఫోన్ నంబర్లను అఖిలప్రియ వాడారు. కిడ్నాపర్లతో అఖిలప్రియ మాట్లాడిన కాల్ రికార్డింగులు తమ వద్ద ఉన్నాయంటూ అంజనీ కుమార్ స్పష్టం చేసారు. ఈ కేసులో మొత్తం 9 మంది (భార్గవ్‌ రామ్‌(నంద్యాల), సంపత్‌ కుమార్‌(ఆళ్లగడ్డ), మాదాల శ్రీను(గుంటూరు), మల్లిఖార్జున రెడ్డి(అనంతపూర్‌), బాలు(కడప), కృష్ణ(గుంటూరు), దేవ ప్రసాద్‌(గుంటూరు), వంశీ(గుంటూరు), సిద్ధార్థ(గుంటూరు) ) ని పోలీసులు నిందితులుగా తేల్చారు.

Related News