logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

మార్చి 31 లోపు ఈ పని చేయకుంటే ఉచిత మంచి నీరు కట్!

హైద్రాబాద్ వాసుల కోసం తెలంగాణ ప్రభుత్వం ఉచిత మంచినీటి పథకాన్ని ప్రవేశపెట్టిన విషయం తెలిసిందే. ఈ పథకం కింద ప్రతి ఇంటికి 20 వేల లీటర్ల మంచి నీటిని అందిస్తుంది ప్రభుత్వం. అంటే 20 వేల లీటర్ల లోపు నీటిని వాడేవారు నల్లా బిల్లు చెలించనక్కర్లేదు. అయితే ఈ పథకాన్ని పొందాలంటే మాత్రం అపార్టుమెంట్లలో, ఇళ్లలో ఉండే ప్రతి ఒక్కరు నల్లాలకు మీటర్లు ఏర్పాటు చేసుకోవాలి.

ప్రతి ఫ్లాట్ లో ఉంటున్న వారు తమ ఆధార్ వివరాలను నల్లా కనెక్షన్ నంబరుతో అనుసంధానం చేసుకోవలసి ఉంటుంది. డొమెస్టిక్, స్లమ్ ఏరియాలలో ఉండే వారు 20 వేల లీటర్ల లోపు నీటిని వాడితే మీటర్లు అవసరం లేదు. అయితే జల మండలి సూచించిన ఏజెన్సీల ద్వారానే వాటర్ మీటర్లను ఏర్పాటు చేసుకోవాలి.

అందుకు మార్చి 31 వ తేదీ చివరి తేదీ. లాస్ట్ డేట్ లోపు ఈ ప్రక్రియ పూర్తి చేయని వారికి మంచినీటి పథకం వర్తించదని జలమండలి అధికారులు స్పష్టం చేస్తున్నారు. అధికారులు తెలిపిన వివరాల ప్రకారం.. ప్రతి ఫ్లాట్ లో నివసించే వారు నల్లా మీటరు పని చేస్తుందో లేదో చెక్ చేసుకోవాలి. అది పనిచేయడం లేదని గుర్తిస్తే వెంటనే కొత్త మీటరును ఏర్పాటు చేసుకోవాలి.

ఈ మీటరు లేని వారు ఈ పథకానికి అనర్హులు. అదే విధంగా నల్లా కనెక్షన్ తో ఆధార్ కార్డును లింక్ చేసుకోవాలి. వేలిముద్ర కూడా వేయాలి. దీనిని ఎవరికి వారు సులభంగా ఇంటి వద్ద నుంచే ఆన్ లైన్ లో చేసుకునే వెసులుబాటు కల్పించింది జలమండలి. లేదంటే మీ సేవ ద్వారా కూడా చేసుకోవచ్చు.

1. ముందుగా ” www. హైదరాబాద్ వాటర్. జీఓవీ.ఐఎన్” వెబ్ సైట్ ను ఓపెన్ చేయాలి.
2. అందులో నుంచి ఆధార్ ను లింక్ చేసుకునే ఆప్షన్ పై క్లిక్ చేయాలి.
3. అప్పడు తమ అపార్ట్మెంట్ నల్లా కనెక్షన్ కు లింక్ అయ్యి ఉన్న మొబైల్ నంబరుకు ఓటీపీ వస్తుంది.
4. ఇక్కడ ఫ్లాట్ యజమాని పేరు, ప్రాపర్టీ ట్యాక్స్ ఐడెంటికేషన్(పిటిఐఎన్) నంబరు, ఆధార్ నంబర్ ను ఎంటర్ చేయాలి.
5. లింక్ చేసి ఉన్న మొబైల్ నంబరుకు కు ఓటీపీ వస్తుంది.
6. ఈ ఓటీపీని ఎంటర్ చేసినతర్వాత లింక్ చేసే ప్రక్రియ మొదలవుతుంది.
7. అంతా ఒకేసారి కాకుండా ఒక అపార్టుమెంట్లో రోజుకి 10 మంది కలిసి వేర్వేరుగా ఈ ప్రక్రియ పూర్తి చేస్తే తొందరగా పని పూర్తి అవుతుంది.
8. ఈ ప్రక్రియలో ఏవైనా సమస్యలు ఉంటె వారు 155313 నంబర్ లేదా ఫోన్ నంబర్ 040-2343 3933కి కాల్ చేసి కనుక్కోవచ్చు.

 

Related News