logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

ఆధార్ కార్డులో ఫోటో నచ్చలేదా? ఇలా మార్చేయండి..

దాదాపు ప్రతి పనికి ఆధార్ కార్డు తప్పనిసరి అయిపోయింది. అయితే ఆధార్ కార్డులో ఫోటో బాగా లేదనే అసంతృప్తి ఇప్పటికీ చాలా మందిలో ఉంటుంది. అలాంటి వారు ఆధార్ లో ఫోటోను చాలా సులభంగా మార్చుకోవచ్చు. ఆధార్ కార్డులో పేరు, పుట్టిన తేదీ, అడ్రస్ లాంటి వివరాలను మార్చినట్టే, ఫోటోను కూడా మార్చేయొచ్చు. యూనిక్ ఐడెంటిఫికేషన్ అథారిటీ ఆఫ్ ఇండియా-UIDAI ఆన్‌లైన్‌లోనే చాలావరకు వివరాలను అప్‌డేట్ చేసే అవకాశం కల్పిస్తోంది. అయితే కొన్ని వివరాలు అప్‌డేట్ చేయాలంటే తప్పనిసరిగా ఆధార్ సెంటర్ లేదా ఆధార్ సేవా కేంద్రానికి వెళ్లాల్సిందే. మరి ఫోటోను మార్చుకోవడానికి అవసరమయ్యే ప్రాసెస్ ఏమిటో ఇప్పుడు చూద్దాం..

ఆధార్ లో మీ ఫోటోను మార్చుకోవాలనుకుంటే అందుకు రెండు మార్గాలు ఉన్నాయి. మీకు దగ్గరలోని ఆధార్ ఎన్ రోల్ మెంట్ సెంటర్ కు వెళ్లి యుఐడిఎ వెబ్ సైట్ నుంచి ఫార్మ్ ను డౌన్ లోడ్ చేసుకోవాలి. అందులో పేరు, పుట్టిన తేదీ, అడ్రస్ లాంటి వివరాలన్నీ సరిగ్గా నమోదు చేయాలి. ఆ తర్వాత ఆధార్ కేంద్రం లోని ఎగ్జిక్యూటివ్ మీ లేటెస్ట్ -ఫోటో తీసుకుంటాడు. ఆ తర్వాత మీ బయోమెట్రిక్ వివరాలతో దానిని అప్రూవ్ చేస్తారు. ఫోటో అప్ డేట్ చేయడానికి 25 రూపాయలు ప్లస్ జీఎస్టీ చెలించాల్సి ఉంటుంది. మీ ఫోటో అప్ డేట్ అయిన తర్వాత కొత్త ఆధార్ కార్డును డౌన్ లోడ్ చేసుకోవచ్చు.

మరోవిధంగా యూఐడీఏఐ రీజినల్ ఆఫీస్‌కు ఒక లెటర్ రాయడం ద్వారా కూడా ఆధార్ లో ఫోటోను మార్చుకోవచ్చు. అందుకోసం యూఐడీఏఐ వెబ్‌సైట్ నుంచి ఆధార్ డేటా అప్‌డేట్ కరెక్షన్ ఫామ్ డౌన్ చేసుకోవాలి. దీన్ని మీ డీటెయిల్స్ ఇచ్చి ఫిల్ చేయాలి. ఒక లెటర్ రాసి, దీనికి ఫామ్ జతచేసి యూఐడీఏఐ రీజినల్ ఆఫీస్‌కు పంపాలి. వీటితో పాటుగా మీ ఫోటో కాపీ కూడా జతచేయాలి. ఈ ప్రాసెస్ పూర్తి చేసిన 15 నుంచి 20 రోజుల్లో మీ ఇంటికే అప్ డేట్ అయిన కొత్త ఆధార్ కార్డు వస్తుంది.

Related News