logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

2021లో ఉగాది పండగ ఎప్పుడు? తేదీ ప్రకటించిన దేవాదాయశాఖ మంత్రి

ప్రతి ఏడాది తెలుగు సంవత్సరంలోని మొదటి రోజును ఉగాది పండుగగా జరుపుకోవడం ఆనవాయితి. అలాగే 2021 లో ‘ప్లవ’ నామ సంవత్సరంలోకి అడుగు పెట్టబోతున్నాం. ఈ ఉగాది నాడే వసంత నవరాత్రులు ప్రారంభం అవుతాయి. ఈ రోజుతో మొదలైన నవరాత్రులు శ్రీ రామ కళ్యాణంతో ముగుస్తాయి. రానున్న ఏడాదిలో మనకు కలిగే మంచి, చెడులను పంచాంగ పఠనం ద్వారా తెలుసుకుని జాగ్రత్త పడుతుంటాం.

తిధి, నక్షత్ర, వారం మొదలైనవన్ని దేవతా స్వరూపాలుగా భావించి సంవత్సరమంతా మంచి జరగాలని ఆరాధిస్తాము. అయితే ప్రతి సారి ఉగాది పండుగను ఎప్పుడు జరుపుకోవాలి అనే విషయం పై కొంత గందరగోళం నెలకొంటుంది. ఒక్కొక్కరు ఒక్కో విధంగా చెప్తారు. కొంత మంది అమావాస్య రోజున ఉగాదిని జరుపుకుంటారు. అయితే ఈ సంవత్సరం అలాంటిదేమీ లేకపోయినా ఉగాది పండగను ఏ రోజు జరుపుకోవాలి అనే విషయంపై తెలంగాణ దేవాదాయ శాఖ మంత్రి ఇంద్రకరణ్ రెడ్డి స్పష్టతనిచ్చారు.

2021 సంవత్సరానికి సంబంధించి ఏప్రిల్ 13 వ తేదీన ఉగాది పండగను ప్రజలంతా జరుపుకోవాలని ప్రకటించారు. అదే రోజున తెలంగాణ ప్రభుత్వం ఆధ్వర్యంలో ఉగాది ఘనంగా నిర్వహించనున్నట్టుగా మంత్రి పేర్కొన్నారు. అయితే కరోనా దృష్ట్యా ఈ వేడుకలను నిరాడంబరంగా నిర్వహిస్తామని అన్నారు. 13 వ తేదీన ఉద‌యం 10.45 నిమిషాల‌కు బాచంపల్లి సంతోశ్‌ కుమార్ శాస్త్రి పంచాంగ ప‌ఠ‌న కార్య‌క్ర‌మాన్ని నిర్వ‌హిస్తారని వెల్లడించారు. కరోనా కారణంగా ప్రజలంతా ఇళ్ల వద్దనే పంచాంగ పఠన కార్యక్రమాన్ని వీక్షించాలని కోరారు.

Related News